هنغسل المخ كويس وننقعه في طبق بميه وخل ودقيق ونسيبه نص ساعة

هنحط حلة على النار فيها ماء تغلي ومعاها بصلة والبوكيه جارنيه والملح والفلفل وممكن تضيفي مكعب مرقة للتطعيم لو حبيتي

لمل الماء تغلي كويس نشطف المخ ونسقطه فيها و منحركهوش كتير عشان ميتهريش مننا وهو يادوب ربع ساعة وننشله من المرقة

انا بسيبه يبرد وبعمله تتبيلة تانية انقعه فيها عبارة عن عصير بصل وملح وفلفل وجوزة الطيب وبيضة واسيبه فيها نص ساعة على الاقل

بجيب البقسماط الجاهز اللي هو في جيتار وده بيكون متبل جاهز أو بجيب بقسماط سادة واتبله بنفس التوابل

هنسخن الزيت ونهدي النار شوية تكون وسط عشان لون البانيه يكون ذهبي ومقرمش

نلت المخ في البقسماط ونقليه ونطلعه على مناديل مطبخ ويقدم ساخن مع تزيينه بالخضار ويقدم مع رز ابيض وسلطة وبالهنا والشفا 🙂..