شخشوخة الظّفر
إفتح في تطبيق كوكبادالخطوات
- 1
العجينة : نحطو السميد و نزيدو الملح و نبلوها بالماء نغطيهاو نخليها تريح وممبعد نعجنوها مليح و قرصوها دوائر صغار و نحلوها ما تكون رقيقا و ماتكون خشينا نطيبوها و كي تبرد نفتتوها بظافرنا صغيرة و نيبسوها و نحتافظو بيها
- 2
المرقة:نحط السمن و الزيت كي يسخنو نحطوا عليهم البصلة و اللحم و نقليوهم مليح و نحطو الحمص و الطماطم المصبرة و نمرقوا شوية برك باش دوب البصلة
- 3
كي يتبخر هذاك الماء نمرقوا مليح هذي المرة بالماء السخون و نقفلو عليها حتى طيب
- 4
في هذاك الوقت نكونو حطينا الشخشوخة تفور قبل ما نفوروها نحطولها شوية زيت و نفوروها على ثلث خطرات المرة الثانية نصفيو شوية مرقة و نحطوه عليها و المرة الثالثة كيف كيف كي نكمل من التفوير
- 5
نصفي المرقة في كسكاس و نحط الشخشوخة في اي قدرة و نحط عليها المرقة بالشوية و الزبدة كمية مليحة و راني نحرك فوق النار حتى تروح المرقة بصح تبقى فيها شوية
- 6
التزيين نحطوا اللحم و الحمص و البيض اذا حبيتو و تكون واجدة
كلمات ذات صلة
وصفات مشابهة
وصفات ننصحك بمشاهدتها
التعليقات