ناخذو البطاطا نغليوها بقشورها (ما ننساوش الملح) كي طيب نقشروها ونقطعوها رونديلات

نحمروها في الزيت.ناخذو سكالوب الدجاج نقطعوه كاريات صغار نحطوه يطيب, اي يستوي في المقلاة

نضيفولو البصلة و الثوم نقليوهم مليح.نضيفو التوابل ونخلطو كلشي و نخليوه يطيب

كي طيب البطاطا والسكالوب نستفوهوم في مول مدهون بالزبدة نحطو البطاطا اللولة وفوقها السكالوب نرابيو فوقو شوية فرماج (جبنة) روج.

بالنسبة للبيشاميل ذوبنا في كسرونة صغيرة مغرفة كبيرة زبدة.زدنالها زوج مغارف تاع فرينة (طحين او دقيق) وكاس كلير حليب على نار هادئة و التحريك باستمرار نضيفو فلفل اسودمعملح و حبة الفرماج كي خثارت كبيناها فوق السكالوب و البطاطا.رابينا فروماج روج مالفوق ولوحنا البلا فالفور (الفرن).شهية طيبة😋😋😋😋