نغسل الكوسا جيدا ونحفرها مع الانتباه لعدم نخرها ونحتفظ برؤوس الكوسا لسد الفتحة بعد الحشي

نغسل الرز المصري ونصفيه من الماء نضيف له اللحمة المفرومة والثوم والنعنع والبهارات والملح وزيت الزيتون ونخلطهم جيدا

نبدا بحشي حبات الكوسا مع مراعاة ترك مقدار اصبع فارغ يعني للنصف بنحشيها وبنسد الفتحة برؤوس الكوسا بشكل زاوية

نصف الكوسا بالطنجرة وبندوب المعجون بالماء ونسكبه فوق الكوسا مع بهارات ومكعب الماجي وبنخليهم يغلو على نار قوية بعدين بنوطي النار لحتى تستوي على مهل

متبل اللب تبع الكوسا بنحطو بقلاية على النار مع رشة الملح على نار قوية مجرد دقيقتين بعدين بنوطي النار عالأخر وبنغطيها مابدو لا زيت ولا مي هو لحالو بيفقس مي بعد ما يستوي ويدبل كويس بنضيف التوم وبنتأكد من الملح اذا محتاج بنضيفلو رشة وبنحطو بالطبق وبنزينو بنعنع وزيت زيتون