نحط السمن يسخن في طنجرة ونحط معاه قطع الدجاج حتى يتقلى مليح نضيفلو البصل والطماطم المرحية والمصبرة وفلفل حار والحمص ونتبلها بالملح والفلفل الاسود ونترك الكل يتقلى جيداً ثم نمرق بالماء الساخن ونتركهم حتى ينضجو

من جهة نسوم الشخشوخة تاعي ونخليها تقطر مليح ثم نحطها تفور للمرة الاولى لما تفور ننزعها من الكسكاس ونحلها في قصعة ونرشها بشوية ماء ونخليها تتشرب ونعاود نفورها للمرة الثانية ثم ننزعها ونضيفلها شوية مرق ونخليها تشربو ونفورها للمرة الاخيرة

لما تفور نحطها في طنجرة ونحطلها قطعة زبدة ونصب فوقها المرق حتى تتغطى كامل ونخليها حتى تتجمر وتتشرب المرق ثم نقدمها في صحن التقديم مع قطع اللحم والحمص