نحط الطحين ونضيف له قرصة ملح ونحط الزبدة بعدما قطعتها وندخلها مليح في الفرينة (طحين) حتى تصبح مرملة نضيف السكر والزيت ونخلط مليح نعمل حفرة ونحط صفار البيضة والحليب نخلطهم ثم نجمعهم مع باقي العجين نلمها ونخليها ترتاح لمدة ساعة في الثلاجة بعد ما نحطها في كيس بلاستيكي

نحضر الكريمة في كاسرونة نحط الحليب والسكر ونخليه حتى يدفى من جهة نخلط صفار البيض مع النشاء ثم نضيفلهم كمية من الحليب لي دفيناه مع الحليب ونخلط ثم نرد كامل الخليط فوق النار حتى يعقد نطفي عليه نحط قطعة الزبدة وفانيلا ونحرك حتى تذوب فيه الزبدة نغطيه بورق غذائي بشرط يكون ملامس للكريمة ونخليها حتى تبرد

بعد ما ارتاحت العجينة نحطها في المول تاع لي تارت كيما اي مثل حبيتو الشكل صغير او كبير نثقبهم ونحطهم في المجمد لمدة ٥ دقائق ونحطهم في فرن مسخن مسبقا لما ياخذو اللون الذهبي نحيهم (نبعدهم) نخليهم يبردو

لما تبرد الكريمة نطلع الشانتيه مع الحليب ونضيهم للكريمة ونعمر بيهم ليتارتولات ونزينهم بالفراولة والتزيين اختياري ممكن تضيفو فواكه اخرى