الكوكيز بقطع الشوكولاته اللذيذة
الكوكيز بقطع الشوكولاته اللذيذة
إفتح في تطبيق كوكبادالخطوات
- 1
فى اناء هنضيف الزبدة والسكر الأبيض والسكر البنى ونضربهم كويس بالمضرب الكهربائى لمدة4-5 دقائق ومهم جدا الزبدة تكون طرية (فى درجة حرارة الغرفة)
- 2
بعد 4-5 دقائق وأثناء الخفق هنضيف أول بيضة ونضربها كويس مع الخليط لمدة دقيقتين وبعدين نضيف تانى بيضة وهنضيف الفانيليا ونستمر فى الخفق لحد ما الخليط يتحول لكريمة متجانسة
- 3
بعد كده فى بولة تانية هنضيف الكربونات والكاكاو للدقيق وننخله مرتين.
- 4
هنضيف الدقيق للخليط بالتدريج مع الخفق لحد ما العجينة تتماسك.
- 5
هنضيف قطع الشوكولاتة للعجين ونقلبهم كويس بمعلقة.
- 6
باستخدام مغرفة أيس كريم هنغرف كرات العجين ونضيفها لصاج مدهون بالزيت ولازم نراعى اننا نسيب مسافات كافية بين كرات العجين علشان بتفرد فى الفرن
- 7
هنضغط باليد على كرات العجين بحيث تصبح مسطحة قليلا ومنقلقش من السمك لأنها بتتفرد مع حرارة الفرن.
- 8
هندخل الصاج الفرن على درجة حرارة 180 مئوية لمدة 12 دقيقة فقط وممكن نحاول نرفع الكوكيز بمعلقة للتأكد من انها استوت من تحت فقط لأنها اذا طولت فى الفرن ممكن تنشف وتتحرق من فوق وده طبعا غير مطلوب.
- 9
بعد تسوية الكوكيز ممكن نزينها بغمر نصفها فى شوكولاتة سايحة ونضيف عليها زينة الكيك الملونة.. بالهنا والشفا.
- 10
ملاحظات
- ممكن استخدام قطع شيكولاتة مخصوص للكوكيز أما لو غير متوفرة فممكن نجيب شيكولاتة خام ونكسرها ونستعملها.
- الكاكاو بنضيفه علشان يغمق الدقيق شوية ويديله طعم وممكن الاستغناء عنه.
- لو السكر البنى غير متوفر ممكن استبداله بسكر أبيض.
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (198)