أولا قطعي فراولة نتاعك و ديريها في المشيربات تاوعك و من بعد ديري الماء فوق النار غير يغلي زيديله فلان نتاعك غير يطبخ طفي عليه و فرغيه ديركت فوق الفراولة باسكو يبرد ثم ثم كون طولي عليه و من بعد حكمي حبة الفراولة و قطعيها رونديلات بلا ما تفوتي موس نتاعك على رأس الفراولة باش يبقاو محكومين مع بعض و من بعد لمعيها بلاجولي و حطيها فوق الفلون و شهية طيبة

ملاحظة : تقدري تضيفي شانتيه و طلعيها بالياغورت نتاع القارورة يعني كأس شانتيه بكأس ياغورت و تزيني بيه فوق الفلون نتاعك و تحطي جزء من الفراولة فوقه و الله روعة😋