غسلت الفخار ونقعتها 15 دقيقه بالماء حتى ما تنكسر بالفرن بنغسل الدجاج وبنصفيه بننقع الارز، بخلط كل البهارات المذكوره مع بعض بعدها بأخذ منها كميه بتبل فيها افخاد الدجاج حتى تغطي قطع الدجاج مزبوط وبخلي من هاد البهار حتى اتبل فيه الرز بعدين

في قلايه واسعه بضيف كميه من الزيت وبسخنه بعدها بضيف الدجاج بضل اقلبه على كل الجوانب حتى نحصل على لون ذهبي بنتركو مغطى شوي ينطبخ الدجاج شوي مو ضروري يستوي بهاي المرحله تماما بعد ما نحصل على لون مناسب بسحب الدجاج وبحطه بصحن على جنب

بنقطع الخضرا مربعات والبسطرمه بنفس زيت الدجاج بضيف عليه الخضار بالتدريج وبقلبهم شوي على الغاز، بعد ما تجهز الخضار معنا بنصفي الرز وبضيف عليه البهارات الى تبلت فيها الدجاج وبخلطها مع الرز، هلأ بنجيب الفخار وبندهنا بشوية زيت بضيف الخضار بعدين الرز وبقلبهم داخل الفخار مع بعض

سخني الفرن على درجه 200 وشبك الفرن على اخر درجه من الفرن من تحت، بذوب الماجي مع الماء بحط الدجاج فوق الرز بعدها بضيف الماء حتى تغطي الرز مع رشه بقدونس بغطي الفخار بالقصدير منيح بس من ثمها مع اضافة غطاء الفخار فوق القصدير بتوخد بالفرن ساعة تقريبا او اكتر،، بشعل فحمه وبحطها وسط الفخار بعد ما يستوي الرز وبسكر عليها حتى تكسب الطعمه بس نقدمها بنضيف رشة بقدونس،،،، وصحه وعافيه 🏺