بيتزا صنع منزلي بسر يخليها عجينة سحرية 🍕🍕🍕🍕
هذا السر يعتمدو عليه بعض اصحاب محلات البيتزا والذي يخلى العجينة مختلفة و طرية جداً وانا ملى عملتها بهذه الطريقة مانستغناش عليها😚😚😚
بيتزا صنع منزلي بسر يخليها عجينة سحرية 🍕🍕🍕🍕
هذا السر يعتمدو عليه بعض اصحاب محلات البيتزا والذي يخلى العجينة مختلفة و طرية جداً وانا ملى عملتها بهذه الطريقة مانستغناش عليها😚😚😚
إفتح في تطبيق كوكبادالخطوات
- 1
اولا نبداو في السر الى يستعملوه محلات راقية نأخذ 3 ملاعق الفرينة (طحين) مع الخميرة والسكر ونطموها بالماء ونضعها في ورق شفاف وندخلها للثلاجة ليلة كاملة وفي الغد نأخذ إناء نحطو فيه جميع مقادير عجينة البيتزا ونطموها بالماء الدافيء تتلصق في اليد ثم نأخذ العجينة البايتة ونحلوها باليد ونحطوها فوق العجينة وندخلوها معاها مع مواصلة العجن حتى تصبح طرية وما تلصقش نحطوها تخمر في كيس تاع الخبز ونخلولها فراغ باش تختمر اي نغلقوه غير من الفوق ونحطوها في الثلاجة
- 2
بعد مرور ساعة تصيبوها خمرت نخرجولها الخمور ونقطعوها بالسكين ونعملوهم قرص انا خرجولى 6 خبزات وندوروهم بيدينا حتى تولى كرة ونخلوها تختمر للمرة الثانية
- 3
الى يحب يطيبها في الفرن معليش انا عملتها في الطاجين نحلو الخبزة شكل دائري وتعرفو بان العجينة ناجحة تصيبوها مطاطية كل ما تحلى هي تولى لكن عادي حليها دائرية وحطيها طيب من كلى الجهتين
- 4
كيطيب نخلوها فوق الطاجين ونقصو النا ر ونحطو عليها الصلصة والتزيين يبقى اختياري كل واحد كيف يحبها واذا قعدتلكم العجينة انا نخبيها في الثلاجة في كيس ونطيبها في الغد عادي وتبقي رائعة
- 5
اما هذه الصلصة اقتصادية وتخرج كمية لاباس بيها نقطعو جميع المكونات ونحطو عليهم ماء قيس ما يتغطاو فقط ونخلوهم يغليو كيطيبو نمكسيوهم ونعاودو نردوها فوق النار ونديرولها الزيت الملح الفلفل الأسود ملعقة فلفل احمر حلو مرحى ملعقة طماطم مصبرة شوية زعيترة وملعقة صغيرة سكر ونخلوها تغلى حوالي 5 دقائق حتى تخثار ونستعملوها
- 6
معلومة محلات البيتزا يخبو العجينة في الثلاجة وعندما تبقي شوية عجينة يعملو عجينة اخرى جديدة ويدخلولها لى بقات وهاد الشي يخلى العجينة طرية وخفيفة وانشاء الله نكون افدتكم و بصحتكم 😊😊😊😊
الكوكسناب
من الأكثر بحثًا في
Keywords
وصفات مشابهة
وصفات ننصحك بمشاهدتها
التعليقات (14)