بالنسبة للعجينة هي عجينة الفطير المشلتت وكنت نزلت طريقتها قبل كدة بالنسبة للحشوة فهى انا عملت صدرين لفرخة واحدة هتتقطعيه شرايح ولا تخينه ولا رفيعة وتتبليه بملح وفلفل قرفة زنجبيل بهارات بابريكا كبيبه صينى  وشوية زيت ومعلقة خل

هتقلبيهم مع بعض وبعدين تستخدميها بعد ساعة او اكتر او حتى ثاني يوم عشان تكون شربت من التوابل للتسوية هتجيبى طاسة وتسخنيها وتحطى فيها شوية زيت صغيرين ويسخنو اوي وبعدين هتنزلى الفراخ فيها تأخذ صدمتها وتأخذ لون ذهبي قلبى لحد متقرب تستوي تنزلى عليها ببصلة متقعة شرايح

وبعدين هتحطى طبقة محترمة من الثومية وبعدين هتحطى الشاورما وهترصى عليها شرايح رفيعة خيار مخلل وشرايح رفيعة  فلفل اخضر رومي

وترصى عليها بطاطس محمرة وانا حطيت رشه كاتشب ودى اختيارية وبعدين حطيت رشة موزاريلا ودى برضو اختياري لانك ممكن متحطيش اصلا او تبدليها باى نوع جبنة بتسيح شيدر او رومي زي متحبى

وقرن فلفل حامي متقطع يتشوحو سوى وتشرب الفراخ ميتها وتقليبه بسيطة وتطفى النار وسيبها تهدى وسخنى الفرن هنقطع العجينة نصين ونفرد منها جزء فالصنية تفرديه زي اللي في الصورة

وتدخليها الفرن على الرف اللي تحت لما تلاقيها شبه استوت هتطلعى الصينية وترشى عليها موزاريلا وتدخليها تحت الشواية لحد متاخد لون وبالف هنا وشفا وبس كدة

وبعدين تجيبى الطبقة الثانية من العجين وتحطيها فوق الحشوة وتقفلى طرف الفطيرة وتجيبى العجينة من تحت لفوق عشان متفكش على الوجه حطيت طبقة تومية والفراخ والخيار والفلفل وعلى الطرف هتحطي كاتشب او معجون طماطم