ننقع القلوبات بالملح ونبدأ بتنضيفا (نفتح القلب ونطالع منو الدم) ونغسلو ونقطعن ونحاول نتخلص من اي دم نشوفو ونحن عم نضفن

بعد التنضيف نغسلن بملح وخل ونصفيهن

بمقلاية نحط زيت ونفرم البصلة ونقليا لتاخد اللون الزهري وبعدا نضيف القلوبات ونقلبن مع البصلة ونغطيهن

نقشر الثوم وندقو ونضيفو للقلوبات

بعدا نحطلن ملح وفلفل وكزبرة وفليفلة حمرة ونتركن حتى يستوو

ملاحظة : ما بياكل وقت كتير لتستوي بدا شي نص ساعة طبعاً مندوق لنتأكد من السوي وصحة وهنا