ندير بيض رشة ملح وسكر نخلطهم بخلاط كهربائي حتى يطلعو مليح وبعد نفرغ عليهم مكونات جافة بعد ما نكون غربلتهم ندير ورق طهي في صينية ولي معنهاش تدهن صينية بزيت فرينة (طحين او دقيق) وتفرغ خليط ودخله لفرن يطيب

ندير حليب و سكر ومسحوق شوكولاتة في كسرونة يحماو وكي يحمى نخليهم على جنب باش يبردو

نفرغ نص كاس ماء وكاس كريمة شانتيه نطلعهم بخلاط كهربائي وبعد نضيفلهم ملعقة مسحوق شوكولاتة ونزيد نطلعهم

من جيهة اخرى نحمي نص كاس حليب نضيفو لعلبة شوكولاتة نوع مفضل عندك نذوبها ونخليها تبرد شوية ونضيفها الكريمة شانتيه

بعد ما تكون طابت كيك نتاعنا نشربوها بخليط لحليب ومسحوق شوكولاتة ولازم يا كيك بارد يا لحليب

وبعد نخليها تبرد شوية ونضيفلها كريم شانتيه وشيكولا من فوق ونخليها تبرد في ثلاجة وبصحتكم وان شاء الله تعحبكم