اول اشي بجيب مشمع الاكل النايلون وازا ما عندك اي كيس نايلون ادهنيه زيت ذرة عشان الدجاح ما يلزق فيه وضعي صدر الدجاج بين قطعتين من مشمع الاكل المدهون بالزيت وبالشوبك اضربي برفق فوق صدر الدجاج اللي جوة المشمع لحتى يصير الصدر سماكتة قليلة وبنكرر العملية مع صدر الدجاج الثاني طبعا بنكون غاسلين صدور الدجاج قبل الاستخدام بالملح والخل وازالة الشوائب عنهم

الآن بندهن صدور الدجاج بالقليل من زيت الزيتون ونصع عليهم رشات خفيفة من البهار والهيل والقرفة والملح وبنتركهم عجنب لحتى نحضر الحشوة

لتحضير الحشوة بنقطع البصلة لمربعات صغيرة وبنقلبها بزيت الزيتون لتذبل بعدين بنضيف بقية الخضار البازيلا والجزر والذرة وبنضيف القليل من البهارات والملح والهيل والقرفة وبودرة الثوم وبنقلبهم خمس دقائق وبنطفي عليهم بنتركهم يبردو شوي وبنضيفلهم جبن الموزاريلا او البارميزان

الان نبدا بحشو صدر الدجاج بوضع الحشوة على الطرف ولف صدر الدجاج على شكل رول برفق لفيه للدجاج حتى لا يتمزق معك ولا تبالغي بتثبيته لما يستوي رح يتماسك

الان تغليفة القلي اول شي حطي رول الدجاج بصحن فيه طحين وغلفيه جيدا بالطحين بعدين بصحن اخر فيه بيضة مخفوقة مع فلفل اسمر وشوية ملح وشوية قرفة بعدين بالصحن الثالث اللي فيه بقسماط او قرشلة مطحونة واقليه بزيت غزير وازا ما بتحبي تعملي هالتلغيفة بتقدري تقليه مباشرة بس رح يكون ناشف معك الدجاج شوي

وصحة وهنا لزيز كتير، صح الحكي كتير بس التطبيق سهل والطعم بستاهل التجربة وبتقدري تغيري الحشوة عزوءك ممكن تحطي بطاطا مسلوقة وزعتر ناشف مع جبنة شيدر بطلع لزيز كتير وصحة وهنا