في عجان نحط البيضة والحليب والخميرة والسكر والزيت ونخلطهم كامل ثم نضيف الفرينة (طحين) ونخليها تتعجن شوية ثم نضيف الملح ونخليها تتعجن مدة ٥ دقائق وتكون عجينة تتلاصق شوية اذا شفتيها مزالت مطلوقة ممكن تضيفي شوية فقط فرينة (طحين او دقيق) ندهن مول بالزيت ونحط فيه العجينة ونخليها تختمر حتى يضاعف حجمها

من جهة نحضرو الكريمة في كاسرونة نحط نصف كمية الحليب نحطلها النشاء والسكر ونخلطهم حتى يتحل النشاء ثم نضيف باقي كمية الحليب ونحطها فوق النار حتى تعقد ننزعها من فوق النار ونضيفلها شوكولاتة ونخليها تبرد

نروحو للعجينة بعدما خمرت نقطعها الى ٥ او ٦ قطع ونكورها ثم نأخذ كل كورة نحلها بشكل طولي ونرولي من الجانب حتى الجانب الاخر تجي شكلها مثل خبز الباغيت

ندهن مول بالزيت ونحط فيه الخبزات ونحطهم في فرن مسخن مسبقا على درجة 180

لما يطيب, اي يستوي الخبز نخليه يبرد ثم نفتحو في الجنب ونعمرو بالكريمة ونزينو من فوق بالسكر الناعم او تخليوه كيما اي مثل راه

ملاحظة فقط حجم الكويرات او الخبزات كيما اي مثل تحبوهم صغار او كبار وبصحتكم