قاطو غلاسي بالشوكولاتة
Gâteau glacé au chocolat
إفتح في تطبيق كوكبادالخطوات
- 1
نحضرو الكيك المعتاد او نطحنو بسكويت ونخلطوه مع دانون شوكولاتة أو زبدة مذوبة حتى يتجمع ونشكلو منو قاعدة أو بقايا الكيك نفرتوتوه ونخلطوه بدانون شوكولاتة ونشكلو منو قاعدة الا درنا الكيك نسقيو بالقهوة أو أي سيرو معتمد
- 2
ناخدو الفويتين أو بيمو لي كايكون على شكل سيكار نضيفو عليه الكركاع او اللوز ودانيت شوكولاته ويلا متوفر البراليني من الأحسن ونخلطو ونقادوه فوق سطح الكيك كطبقة كتعطي قرمشة الكيك ومن الأحسن كثروه انا مكانش متوفر عندي كثير وممكن الاستغناء على هاد المرحلة
- 3
الكريمة باش تنجح وتطلع فمدة قليلة خاص أولا يكون الحليب بارد مزيان والكريمة بودرة حتى هي و اليدين ديال الخلاط الكهربائي والإناء يعني كولشي خاص يكون بارد ويلا استعملتوا الكريمة السائلة متستعملوش الحليب ، المهم نخلطو الحليب مع كريم شانتيه غبرة حتى تتطلع الكريمة ونضيفوا ملعقة كبيرة أو 2 من الكاكاو او شوكولاتة ذائب ونعاودو نخلطو مزيان ونخويو في المول ونقادو السطح ايكون مستوي وندخلوها المجمد ليلة كاااملة
- 4
الكلاصاج ناجح 💯 أول مرحلة نديرو الجيلاتين في الماء البارد ، نأخذ كاسرونة الأولى ندير فيها الماء و السكر تغلى شوية ونضيف الكاكاو ، وناخذ كاسرونة وحدة أخرى نغلي فيها الكريمة السائلة ملي يبدا ايبانو الفقعات فخليط السكر والماء والكاكاو نضيفو الكريمة وهي سخونة ونخلطو مليح ونضيفو الجيلاتين ونخلطو حتى ذوب ونصفيو الخليط ونخليوه يدفى حيث الا برد غايجمد المهم نقدرو نقيسوه بصبعنا ومايحرقناش ولي عندها ميزان الحرارة تحسب ليه 32°
- 5
ملي يدفى الكلاصاج نخرج كيك من المجمد نزول ليه المول بالمهل ونحطو فوق شبكة أو كيسان كيفما درت ونخويو الكلاصاج من الفوق والجوانب حتى تتلبس بيه ونخليوه شوية عاد نحيدولو الزوائد ونبداو فالفينيسون و التزيين ، انا زينت بالفيوتين فالجوانب وخطوط بالشوكولاته الابيض وحبيبات الشوكولاته والملمع الذهبي رشيتو بشكل عشوائي
- 6
وبالصحة والراحة
كلمات ذات صلة
وصفات مشابهة
وصفات ننصحك بمشاهدتها
التعليقات (4)