هتجيبى مكعبين الماجي وتبشريهم وحطى عليهم الزعتر والشطة وعليهم الزيت وقلبى الخلطة دى وحطيها على الفراخ بعد متنغزى الفراخ بالسكينة عشان الخلطة تدخل جواها كويس وقلبى كله مع بعضه تمام عاوزة تحمريها فوقتها براحتك عاوزة تسبيها فالخلطة دى شوية براحتك

للقلية هتجيبى كباية دقيق وتحطى عليها كوباية الميه وتقلبيهم مع بعض لحد متعمل قوام شبه قوام الكيك وحطيها على الفراخ وقلبيهم مع بعض وهاتى طبق فيه باقي الدقيق وحطى عليه ملعقة النشا ومعلقة البايكنغ بودرة وقلبيهم فبعض وحطى فالفراخ بالخلطة السابقة.

وسخنى زيت في طاسة غويطة وطلعى الفراخ بالخلطة حطيها فالدقيق ورجى الطبق وبعدين نزلى الدقيق الزيادة ونزليها في الزيت وغطى الطاسة وسيبيها تتحمر وتأخذ لون ذهبي غامق سنة وبس كدة وبالف هنا وشفا

ملحوظة: كل ما الفراخ تقعد فالخلطة كل ما تبقى احلى، ممكن تتبليها وتشليها في الفريزر وتطلعيها على القلية، لما تيجى تحمرى الفراخ يفضل في حلة والزيت يكون سخن اوي ومتمليش الطاسة فراخ كتير عشان الزيت ميبردش وغطى الحلة وقت القلية عشان ضغط القلية يبقى شديد عالفراخ عشان هتتقلى وهى نية وعشان تستوي برة وجوا انا بقليها فقلاية كهربائية بحطها في الزيت بدون الشبكة عشان الفراخ تتغطى بالزيت بالنسبة للشطة حطى على حسب رغبتك يعنى مش شرط نص كباية شطة