طريقة عمل شاكرية لبن مع برغل وشعيرية
إفتح في تطبيق كوكبادالخطوات
- 1
منذوب اللبن مع النشا قبل الغلي ولما يذوب النشا منغلي اللبن بطنجرة ونضل نحركو مشان مايفرط وبس يفور منطفي تحت الطنجرة
- 2
وبطنجرة تانية منقلي اللحمة الناعمة واذا لحم قطع منسلقو بالماء ليستوي طبعاً معو بصلة مفرومة اذا اللحمة مسلوقة... ومنرمي قطع البطاطا المفرومة والمقشرة... ومنحط البهارات اللي بدنا اياها مع وضع القليل من الماء اذا كانت اللحمة مفرومة ناعمة وبس تستوي اللحمة والبطاطا منرميهم على اللبن.
- 3
منرجع منغلي اللبن مع اللحمة والبطاطا شغلة ربع ساعة وقبل مانطفي تحت الطنجرة منضيف ثوم مهروس مع رشة نعناع يابس..
- 4
وبهذا الوقت منكون عم نقلي الشعيرية بالزيت وبعدها ممكن نحط شوي من مرقة اللحم على الشعيرية لما تتغير لونها... ومنضيف 5 كاسات ماء وبس غليت الماء منضيف البرغل ومنوطي تحت الطنجرة وبس نشوف الماء نشفت منزيد شوية ماء في حال ما استوى البرغل وبس يستوي منطفي النار
- 5
ممكن تطبخوها على دجاج اذا مابتفضلوها مع اللحمة
- 6
وصحة وعافية على قلوبكم وهاي الاكلة شتوية بامتياز وكتير لذيذة 😋😋😋😋 واللي لسا ماطبختها تطبخها مارح تندمو
كلمات ذات صلة
وصفات مشابهة
وصفات ننصحك بمشاهدتها
التعليقات (5)