كيكة عيد الأم
إفتح في تطبيق كوكبادالخطوات
- 1
نخفق البيض والسكر والفانيليا مدة 7 دقائق بمضرب كهربائي وبعدا نضيف الزيت والحليب ومنخفق مدة دقيقتين واخيرا منضيف الطحين والبيكينغ باودر بعد ماننخلن ومنحرك على اهدا عيار
- 2
منحطو بصينية الفرن بعد ما ندهنا بزبدة وطحين ونكون مشغلين الفرن قبل خفق الكيك
- 3
نحطو بالفرن مدة 25 دقيقه تقريبا حسب حماوة الفرن وبس اتأكدنا من الاستواء نشغل الفرن من فوق
- 4
نتركو ساعة او اكتر او نحتفظ في لتاني نهار بالفريزة قبل التزيين
- 5
بس برد نقسمو بسكينه كبيرة او بالخيط مشان نحشي
- 6
منكون محضرين الكاسترد 3 كاسات حليب وظرف الكاسترد و منحطن على الغاز ليغلي ومنحشي في الكيك بس يبرد شوي مشان ما يعجن ومنضيفلو شوكولاته وكريمة بالحشي حسب الرغبة ونحط الطبقة الثانية فوقو
- 7
هلأ منجهز الكريمة منخفق ظرف الكريمة مع نص كاسة حليب او ماء باااارد
- 8
وبس تجهزت الكريمة منغلف فيا الكيك
- 9
هلأ منجي للون الاحمر هاد مروار انا مخترعتو🤣🤣 كاسة ماء وشوي شراب اصطناعي نحطو على النار ومنحسن نضيف ملون لتعديل اللون وبس غلا نحط على ملعقة نشا صغيرة محلولة بشوية ماء لحتى يتماسك شوي وبس نزلنا من على الغاز نخفقو شوي بمضرب الكهربا ونتركو شوي يبرد ونحطو فوق القالب يلي غلفنا بالكريمة
- 10
انا هون مقسمة الكريمة وحاططلا الوان وعاملة فيا باقة ورد 💐💐 ومزينة الطراف ببسكويت سادة بتحسني تزيني بالشكل الى تحبيه ويلي بتحسني تعمليه
- 11
بس حبيت اعطيكن الفكرة وشارككن اختراعاتي الغريبة والبسيطة
- 12
وصحة وهنا
كلمات ذات صلة
وصفات مشابهة
وصفات ننصحك بمشاهدتها
التعليقات (5)