تحضير الجينواز في الخلاط الكهربائي نخفق بياض البيض مع قرصة ملح حتى نتحصل على تلج نضيف نصف كمية السكر تدريجيا حتى نتحصل على شكل المرانغ ثم نفي إناء آخر نخفق صفار البيض بالباتور ونضيف له اسكر حتى يولي رغوة ونضيف الفاني و الماء+ الزيت والخميرة والفيرينة شيئا فشيئا ثم نضيف له المورانغ ونخلط من تحت لي فوق حتى يتجانس.

كريمة الشانتى نخلط الغبرة الشانتيه مع الحليب ونخفقهم بالباتور حتى نتحصل على كريمة ما تهودش

كريمة البرتقال في كاسرولة نضع العصير والسكر والنشاء والزبدة ونكهة البرتقال انا درت غي القشور نخلطهم بالفوي ونديرهم فوق النار تكون متوسطة ونحرك حتى تعقدلي شوية و نديرها تبرد 5 دقيقة ثم ندخلها الثلاجة ونغطيها بالسوليفا باه ما يدخلهاش الهواء

صلصةالشوكولاته نخلط الماء والسكر الكاكاو ونديرهم فوق النار كي يغلي 1 نخلط ثم نخليه يغلي 2 ملعقة نخلط ثم يفيض ال3 نزيده الفاني والملح ونخليها تغلي شوية ونحيها نخليها تبرد جانبا ومن الاحسن تخدميها نهار قبل.