اول شي نجيب البصل ونحمره مع الزيت حتى يذبل ونضيف الثوم على طول والزنجبيل الطازج ؛ بعد كدا نحط الدجاج ونظيف شوووييية ماء ونتركه يستوي على نار هادية نص إستوا تقريبا.

بعد كدا نظيف الطماطم ومعجون الطماطم وبهارات البرياني والفلفل الاسود والملح واللبن الزبادي ونتركه يطبخ عدل ونتأكد من الدجاج انه انطبخ كويس

بعد ماخلصنا من الايدام نشيل الدجاج ونحط الايدام في الخلاط ونخلطه عدل بعدين نرجعه القدر ونظيف الكزبرة والنعناع المفرومين ونرجع الدجاج ونخليه شوية على النار ونطفيه. *•*وبالعافية عليكم تقدروا تقدموه مع رز ابيض ولبن مره لذيذ. او ممكن تجيبوا خبز نان الهندي من اي مطعم هندي 😍😍 انا جبتوا لأن مره احبوا وعملت كمان رز ابيض 😝