هتجيبى الطماطم تغسليها وتقطعيها هي والبنجر اوالشمندر وتحطيها في حلة وتسبيها على نار هادية لحد متنزل ميتها وسبيها تغلى وهدى النار ثاني لحد ما الطماطم تذوب خالص وبعدين تطفى النار وسيبيها تبرد وتضربيها في الخلاط او بالهند بلندر وتصفيها كويس جداً ولو لاقيتها تخينة اوي ومش عارفه تصفيها اضربيها ثاني في الخلاط مرتين ثاني ومش مهم وقتها تتصفى تمام وبعدين تحطى الصلصة في حلة ثاني على النار تأخذ غلوة وبعدين تهدى النار عليها ثاني لحد ما قوامها يتخن اوي

عاوزة تختصرى الوقت ممكن تجيبى ملعقة صغيرة نشا وتدوبيها في ربع كباية ماء وحطيها على الصلصة عشان تتخن بسرعة ولما تلاقى قوام الصلصة تخن وبقى زي الجاهزة كل دا والنار هادية لسه تمام بعد كدة هتحطى ملعقة السكر والملح والخل ودول يعتبرو المادة الحافظة بتاعت الصلصة اللي تخلى مدة صلاحيتها ممتدة فترة طويلة من غير متبوظ بعد منحط السكر والملح والخل هنعلى النار ونخلى الصلصة تأخذ غلوة ونطفى عليها ونصبها فبرطمنات نضيفة والبرطمان اللي يتملى يتقفل فلحظتها ليه بقى عشان يشفط الهوا ويتكتم جوا البرطمان

ملحوظة ليه بقول نحط بنجر (شمندر) اللي هو الشمندر دا بيدى لون احمر جميل للصلصة وليه بقول اتنين حبه صغيرين اوي عشان لو البجنر اتحط منو كتير لون الصلصة هيبقى فوشيا 😂😂 وهتحسى ان الاكل اكنو مصبوغ فحالة انك هتعملى مقدار صغير من صلصة الطماطم يبقى هنقلل حجم البنجر (الشمندر) يعنى نص بنجراية صغيرة مثلا

انما لو ملقتيش بنجر (شمندر) اللي هو الشمندر هتعملى اية هتعملى نفس الخطوات كلها من غير البنجر (الشمندر) عادي بس هتجيبى علبه او اتنين من معجون صلصة الطماطم الجاهز وتفضيهم على الصلصة اللي بتعمليها بس بعد ما تصفيها وسيباها على النار الهادية وبعدين تحطى الملح والسكر والخل عادي جداً وكملى باقي الخطوات للاخر وبس كدة اي سؤال