نغسل الصدور كويس جداً بالدقيق و الملح و الخل

بعد كدة أنا بحطهم في كيس ثلاجة كبير و بعدين اضيفلهم الليمون و ملعقة ص. خل تفاح و زيت زيتون

في طبق خارجي بقطّع بصل شرايح طولية و بفرم كام فص ثوم او بستخدم الثوم البودرة ((بس الثوم الحقيقي ريحته احلى)) و بعدين اضيفهم الى الكيس بتاع الفراخ و ادعك عشان يمتزجوا جميعا،، بعدين اقفل الكيس و احطه جوة كيس تاني و اربطه ،، و بعدين يبات ليلة على رف الثلاجة،،، اذا مستعجلة ممكن تسيبيه ساعتين بس،، ثم تحمّر

بعدين لما الاضافات تدبل، نضيف الصدور و يا ريت نعصرها الاول شوية بإيدينا ونعلّى النار و نغطي الطاسة الصدور هتآخد صدمة في البداية و يتغير لونها ثم تبدأ تنزل ميّة ،، نوطّي النار بئة و ننتظر لحد م تشرب الماء شوية،، نضيف فنجان ليمون و شوية سماق و شوية زيت زيتون

نفضل نقلب فيها على الوجهين كل ١٠ دقايق و نتركها على النار لمدة ثلث ساعة تقريبا و نختبرها بطرف السكين الى ان نتأكد انها استوت و ان وجهيها لونهم بقى محمّر

نطفي النار و نقدم الصدور في طبق مع شرايح ليمون او فوق وش طبق رز بسمتي برياني ، او طبق مكرونة بالصلصة و نرش بقدونس