إفتح في تطبيق كوكبادالخطوات
- 1
أول إشي بنضف الدجاج وبننقعه بالخلطة المذكورة بالمكونات تقريبا 6 ساعات قبل التحضير
- 2
بعد 6 ساعات من نقع الدجاج بنحضر صينية تكون حجمها مناسب لكمية الأرز بنقطع البصلة وبنحط عليها الزبدة وبنتركها عالنار لحتى تذبل البصلة مع التحريك المستمر حتى ما تنحرق بنكون غاسلين الرز ومصفيينه بدون نقع بس غسيل وبنقلب الرز مع البصل وبنضيف الزبيب كمان والبهارات الحب وبنضيف المي وتكون سخنة المي وبنضيف مكعبين الماجي وشوية ملح عزوءك ومعلقة هيل مطحون كبيرة كتير زاكي الهيل معه
- 3
هلأ بنسكر الصينية بالقصدير وبنخزق القصدير بالشوكة وبنشيل الدجاج من الخلطة وبنحطه فوق القصدير اللي غطينا فيه الصينية وخزقناه بنحط كل كمية الدجاج وبنرجع بنغطي الدجاج بقصدير وبنسكره منيح وبندخله الفرن عالرف المتوسط وتكون النار متوسطة لمدة ساعة ونص
- 4
بعد ساعة ونص بنشيل القصدير اللي فوق الدجاج وبنحمر الدجاج وبنرفعه عجنب وبنكشف عن الرز بنلاقي الرز صار لونين لانه مرقة الدجاج اللي نزلت من فتحات القصدير لونها اصفر من الكركم اللي بخلطة الدجاج فبصير الرز ابيض واصفر وبنحطه بجاط التقديم وبنزينه بالدجاج والمكسرات طعم خيالي بنصحكم تجربوه
- 5
ازا بتحبيه عفحم بتقدري تشعلي فحمة وتحطيه بصحن نص الرز والدجاج وتديري عليها شوية زيت وتغطي الجاط بسرعة بياخد الطبق طعم الفحم بطلع زاكي كتيير برضو
وصفات مشابهة
وصفات ننصحك بمشاهدتها
التعليقات (20)