نخلط الفرينة (طحين) مع الخميرةوالسكر والملح ونبدا نعجن بالماء حتى نتحصل على عجينة تلصق في اليد نزيدلها الزبدة وندلكها مليح حتى يولي رطب نغطيها ونخليها تختمر حوالي نصف ساعة.بعدما تختمر نديرها حربوش ونقسمها على ثمانية كرابع نعدلهم مليح ونبدا نحل بالوحدة مع الاستعانة بالفرينة نديرها على شكل مستطيل ونرولي ونسكر مليح نحطهم في صينية ونخليهم يخمرو نشعل الفرن.ربع ساعة من قبل على اعلى درجة كي نحطهم يطيبو نقص للفرن 160 ونخليهم يطيبو 20 دقيقة.