حطي اللحمة بجاط مجور وتبليها بالبهار والملح والفلفل واللوز.. بعدين اعمليها كرات بالحجم الي بيناسبك وخليهم على جنب

قطعي البصل جوانح والفليفلة وبطنجرة على الغاز مع شوية زيت وقلبيهم لحد ما يسير لونهم ذهبي وحطي عليهم مي حسب الكمية الي بدك اياها طبعا

في مقلاي على النار مجورة شوي اقلي اللحمة لحد ما يتغير لونها ويسير بني خفيف و حطيهم على الفليفلة والبصل الي قليتيهم مسبقا

بتزيدي عليهم دمعة بندورة و بتحركي لغاية ما تكرن متماسكة وازا بدها مي زيديها ورشي عليها بهارتك المفضلة،، اخر اشي بترشي عليهم لوز ارباع وكاجو انصاف وبفنجان مي معلقة نشا صغيرة بتوبيها وزيديهم على الطبخة لغاية ما تتماسك وخليهم يغلو على نار 🔥 هادية ٥ دقائق

حطيهم ببايركس وبالفرن دقيقتين و صحتين على قلبكم 😄

بيتقدم مع ارز بسمتي