العجينه بغسل البرغل وبترك شوية ماء فيه لمدة ربع ساعة بعدين بطحنو بماكينة اللحمة وشين على الناعم مع حبتين بصل وبحطلو نعناع ناشف مع رشة بهار وملح وبعجنهم شوي وهيك بتكون العجينه جاهزة للشغل مابحب حط للعجينه لحمة هيك بتطلع ازبط واطيب

الحشوة بقطع البصل ناعم وبحط نص فنجان زيت وبقلي البصل فيه شوي ووبضيف اللحمة والبهارات والماجي ليستوى البصل واللحمه على نار عاليه مع التحريك بستنى ليبرد وبضيف جوز حسب الرغبه