هلأ بعد ما حشينا الورق والكوسا بنضيف بقاع الطنجره بندوره مقطعة واللحمه وبنرتب الكوسا و ورق العنب على الوجه بضيف شوية زيت وفرك مكعبين ماجي وضفت تمر الهندي اختياري ورشة ملح وبعدها بضيف الماء وبسكر وجه الدوالي بصحن ضد الحراره حتى ما تتفتح حبات الورق

هلأ بنحط الطنجره على الغاز على نار عاليه بالاول حتى ما تغلي الماء بعد ما تغلي بنخفف الغاز وبتضل تقريبا ساعتين او انتو حسب ما يستوي معكم يعني بضل على نار هاديه لحد ما يستوي وهلا بعد ما استوا بنقدمه هاي طريقة الاردن وبالاخص مدينة البلقاء صحة وهنا🙂

طبعاً انا استغليت لب الكوسا لما حفرتها وعملت منها لباية كوسا وطريقتها زيت زيتون بضيفه بقلايه وثوم بقلبهم مع اللبايه وشوية ملح بتركها حتى تستوي بضيف اخر شي على الوجه نعناع ناشف وبنعصر عليها ليمون كتير طيبه جنب الدوالي