نجيبو كوكوط ولا طنيجرة ثقيلة لازم تكون ثقيلة نحطو فيها الزيت الدجاج الطماطم والبصل والثوم والتوابل والطماطم المصبرة ونخلو كلشي يتقلى مليح كي تتقلى مليح نضيفو الملوخية ونضيفو عليها الماء السخون مباشرة ونخلطو كلشي مليح مع بعض ونقفل لاكوكوط

نحط لاكوكوط فوق النار متوسطة ونخلوها طيب لكن مرة على مرة نفتحو الكوكوط نتاعنا ونحرك من الفوق للتحت مليح لانو اذا غفلنا عليها راح تلسق وتتحرق وتعود بنة الحريق فيها

بهاذ الطريقة حتى طيب الملوخية ويطيب الدجاج نتاعنا مليح وتثقال الملوخية نضيفو عليها قرن فلفل اخضر من الاخر وصحتين على قلبكم

ملاحضة :الملوخية كل واحد كيفاه يطيبها يعني كل واحد وطريقتو هي في الأصل طيب باللحم الاحمر المشحم وكاين ناس يطيبوها على نار خفيفة لمدة يوم كامل وتجي رطبة بزاف انا شخصيا منطولش عليها في طياب ونحبها حرشة أما بالنسبة للزيت كاين ناس يحط لها من كاس كبيرفما أكثر زيت وانا شخصيا نكتفي بكأس اتاي ونص فقط أما الملح لازم متزوديلهاش في المرة الأولى بزاف لانو الملح يخلي الملوخية تطلق مرارة وفي الاخير قبل ما طفي لوحي الفلفل نتاعك وزيدي كمية الملح اللي بغيتيو نتمنى اني كنت وصلت الوصفة بالضبط ودعوة خير يا لحباب