في قدرة نضع القليل من الزيت،و ندير أطراف الدجاج يتقلاو حتى يتحمرو،و نزيد عليهم بصلة مكرفجة،و نزيد التوابل،و القليل من الماء باع ما ينحرقوش التوابل و تخليهم يتقلاو مليح و من بعد نمرق بالماء الساخن و نخليه يطيب،،،،

في الوقت اللي راهو يطيب (يستوي)الدجاج،نحضر ليبولات،في الميكسور نضع صدر الدجاج المقطع و نزيد بصلة مقطعة عشرائيا،والمعدنوس المقطع،والخبز المعصور مليح،و التوابل ،و حبة بيض،و نميكسي كلش،

ومن بعد نشكل كريات متوسطة الحجم ،نديرهم في القدرة مع الدجاج باه يطيبو،

كي تحسي كلشي طاب و المرق موزون،في هاذا الوقت نقص شوية مرقة في بول و نزيد عليه الفرماج و عصير ليمون و نطحن كلش بالبرا ميكسور،و ندير هاذا الخليط في القدر وتخليه يغلي غلية ونطفي،وندير المعدنوس (بقدونس) في الاخير و شهية طيبة،،،،

أنا قدمتو مع البطاطا المقلية،و السلطة