باش تكيلي لازما تحطي فالبلا الى رايحا تطيبي فيه الدقيق المتوسط ويكون بعلو ١ سم ومبعد اقسمي الدقيق اللي تحصلتي عليه الى 3 كيلات انا مثلا البلا نتاعي جاني في فنجان حليب

الدقيق من الاحسن يكون متوسط استعملي سميد سيم متوسط او ادا كان دقيق نتاعك فيه الخشين غربليه حتى تتحصلي على دقيق متوسط انا السميد اللي يتباع خشن لقلب اللوز ما يعجبنيش يجي يابس قلب ولازم يبات ويدي الوقت

اولا نحط الدقيق نديرلو السكر ورشة الملح والفني ونخلطهم حتى يندمجو

نخيلها ترتاح نصف ساعة ثم نطيبها بالفرن على نار متوسطه من تحت حتى تحمر الاطراف انا نستعمل مول زجاجي باش نشوفها مليح ثم نطيبها من الاعلى

السيرو نحضرو هو الاول نحط الماء والسكر والليمون فوق النار وبعد الغليان نحسب ١٠د ونطفي نخليه يبرد ونزيدلو ماء الزهر

بعد ما تطيب اي تستوي نخرجها ونكبها نصف الشاربات الباردة ونرجعها للكوشة وهي سخونة بعد ما نكون طفيتها بعد ٥ دقيقة تكون تشربت نزيدلها الكمية اللي بقات ونرجعها للكوشة ونخليها تتشرب على القل ساعة او اثنين وبالصحةة والهناء

تجي معسلة وبنينة