صينية فرن ندهنها بشوية سمن و نرش فوقهم ملعقة دقيق

نسييّح السمنة او الزبدة ع النار من دون م نخليها سخنة يعني او تتقدح بس مجرد تسييح او تذويب

نجيب ورقة جلاش و نفردها في صينيتنا الجميلة و ندّيها فرشة زبدة سايحة و بعدها نحط ورقة تانية و ندهنها برده و نكرر نفس الخطوات لحوالي ٥-٦ او ٧ ورقات جلاش فوق بعض

بعد كده نبدأ نفرد لحمتنا المعصّجة الرائعة في كل انحاء الصينية،، ثم نرش فوقها شوية فلفل الوان مقطع صغير ثم شوية شرايح زيتون و عن نفسي بحب اتفنن في الخطوة دي اي حاجة عندي بحبها بضيفها : زي شوية زعتر اخضر مفروم ، شوية طماطم مكعبات صغيرة ، سوسيس مقطع

بعدين ارش شوية الجبنة الرومي او اي نوع جبنة بتحبيه انتي و الاولاد و على فكرة احيانا بعملها بالجبنة و الخضروات من غير اللحمة بتطلع برده روووعة اكنها بيتزاية

زي م قلتلك قبل كدة الطبقة دي حاولي تتفنني فيها بأي شكل تحبيه انتي او الاولاد او زوجك

بعد م تخلصي تفانين نبدأ بئة نغطي بورقة جلاش جديدة و ندهن شوية زبدة سايحة ثم ورقة تانية و زبدة ثم ورقة ثالثة و زبدة لغاية ٦-٧ ورقات

إضغطي بئة بإيدك شوية على الصينية من جميع الاطراف و الانحاء وبعدين هاتي سكينة حلوة و حامية كدة و قطعي الجلاش مربعات

و بعدين هاتي كوباية اللبن الجميلة و اكسري فيها البيضة و عليهم رشة الفلفل الاسمر و قلبيهم كويس و صُبيها فوق صينية الجلاش و حركي الصينية عشان خليط الحليب يوصل لكل اطراف الصينية

بعد ال١٠ دقائق دخلي الصينية الفرن واتركيها لمدة ربع الى ثلث ساعة هتلاقي الجوانب اصفّرت ، عندها تشغلي الشواية و تقفي جنب الفرن تراقبي الصينية لغاية م تاآخد اللون العسلي الغامق و تحميرها حلو مش تنسيها و وشها يتحرق و تكسفينا😠😱