بنحط الزيت بطنجرة تانية عالنار وبنحط الزيت وبنقلب البصل فيه لحد ما يصير شفاف او يبتدي يصير اشقر عالخفييييف.

بنضيف شرائح الفروج وبنقلب.

بس يصير لون قطع الفروج ابيض ويستوو بنضيف الفطر وبنقلب دقيقة وحدة.

بنضيف الكريما، مكعبات الماجي، جوزة الطيب، الفلفل الاسود، الفلفل الأبيض والملح وبنترك الخليط يسمك شوي صغيرة وما تخافو اذا حسيتوه مانو سميك كتير لأنو بس نضيف المعكرونة رح تسحب كل الكريما ع جنابا وما رح تشوفو اي سوائل بالطنجرة (هي الصورة قبل ما يسمك الخليط)

بهالوقت بتكون خلصت المعكرونة ف بنجيب مصفاية او كفكير المعكرونة وبنصفي المعكرونة بدون ما نغسلا وبنحطا فوق خليط الكريما وبنقلبن دقيقة وبنطفي.

بعد هالخطوة ممكن نحط المعكرونة ب صينية فرن ونحط ع وشا جبنة موزاريلا وندخلا الفرن لحد ما يشقر وشا عالخفيف او ممكن تعملو متل ما انا بحب اعملا وتحطو الجبنة بقلب الطنجرة قبل ما تطفو النار بثواني وتقلبو لحتى تتداخل الجبنة بكل المعكرونة وتصير كل لقمة غنية بطعمة الجبنة 😍.