كيكة الكراميل والقهوة
بنة و شكل و بريزونطابل هده هي الوصفة مقدرتش نبخل خاوتي
كيكة الكراميل والقهوة
بنة و شكل و بريزونطابل هده هي الوصفة مقدرتش نبخل خاوتي
إفتح في تطبيق كوكبادالخطوات
- 1
اولا: نقومو بتحضير العجين نخفق البيضتين مع السكر و الحليب و نضيفو الزيت و فانيلا نخلطوهم مليح و مبعد نزيدو الفرينة (طحين) والخميرة نحط كاس لول و نخلطو بشوية ونحطو كاكاو حسب لعندك لكان بني رح تحط 3 ملاعق و لكان اسود نقصي عينك ميزانك
- 2
ونزيدو كاس ثاني تع فرينة (طحين او دقيق) بلعقل حسب ثقل تجينا جارية شوية مش تجي خفيفة و ندهنو مول بزبدة و رشة فرينة (طحين او دقيق) و نسخنو الفرن و نديروها تطيب اي تستوي
- 3
نجيبو نصف لتر حليب و 2 ملاعق نسكافيه الا معندكش دير فنجان قهوة و الا متحبيش دوق قهوة تقدري تسغماي عليها نحطوهم فوق نار و نضيفولهم 2 ملاعق سكر و علبة فلان كراميل كي يغلى نطفيو عليه و نكونو حضرنا في جهة خلاف ريسيبيون حطينا فيه 2 علبة تع فرماج (جبنة) ريجيم امير و نفتتو عشر حبات بيمو و نحطو فوقهم الفلان لحضرناه يكون سخون غير ما طفينا عليه و نخلطوهم بلبرا ميكسار ولا خلاط كهربائي (باثور)
- 4
تكون المسكوتشو تاعنا طابت و بردت شوية نجيب لخليط هداك فساع منخليوهش حتى يجمد و نفرغوه فوقها و ندخلوها ثلاجة مدة ساعة
- 5
نجيب علبة شوكولاتة ندوبها في حمام مائي الا عندك تع ميزان تكون 100 غرام كي تذوب نضيفلها 2 علب دانيت و ادا عندك نستله و او صوص كراميل ضيفيلها تنكها مليح و نفرغوها كطبقة ثالثة فوق كيكة تاعنا بعد ما يكون خليط هداك جمد نمشيو هدا خليط مليح فوقها و مبعد نزيدو نخلوها فثلاجة تبرد و يتجمد شوكولاتة و نقصوها و ناكلوها بصحة و لهنا
- 6
من المستحسن تستعملي مول الدي تقدي تفتحيه و تغلقيه او متواجد فلأسواق بكثرة و سعرو 45 الف
Keywords
وصفات مشابهة
وصفات ننصحك بمشاهدتها
التعليقات