نكسرو البيض نحطو الصفار وحدو والبياض وحدو.ناخذو البياض نديرولو قرصة ملح ونخلطوه بالباتور كي المورانغ حتى يطلع مليح ويشد روحو.

من الجهة الثانية ناخذو صفار البيض نحركوه مليح و نزيدولو لحليب و مغرفة صغيرة سكر وملح و مغرفة صغيرة خميرة الحلوى. نخلطو مليح حتى يذوبو و نبداو نضيفو الدقيق بشوية حتى نتحصلو على خليط متجانس. نخليوه شوية جاري لاخاطرش الدقيق يشرب.

نحطو لمقلى تسخن وناخذو الخليط نضيفولو شوية بياض البيض ما نحركوهش بزاف بشوية برك ونطيبوه كيما اي مثل لغريف. كي طيب ندهنوها بزبدة البقرات و لا زيت الزيتون. شهية طيبة🤤🤤🤤🤤