نجيبو مقلاة تكون كبيرة او اي برمة توالمك نديرو شوية زيت و نحط افخاد يتقلاو شوية و نرابيو بصلة و طماطم و ثوم و معدنوس (بقدونس) و نديروهم فوقهم نقليو برمتنا مليح و ندير نصف ملعقة طماطم مصبرة و ملح و نخليوهم حتى نشوفهم تقلاو

زيتون نغليوه مش يتنحالو ملح و نضيفوه على لفخاد تعنا و نمرقوها حتى يتغطاو شوية و نخليوهم يطيبو و نضيفو فلفل حار وتوابل و ورقة رند (غار)

كي نشوف لفخاد تاعي طابو منخليوهمش يدوبو لازم يحافظو على شكل تاعهم نفرغو هداك لاصوص في بلا ليدخل للفرن ونخليوه ينشف شوية و مبعد نخلط خمس بيضات تاعي نزيدلعم شوية توابل و ملح و لكان عندنا لكرام فريش لا معندكش متحطيش و نفرغوهم عليها نخليوه شاعل من تحت كي نلقا البيض جمد نشعل من فوق حتى يحمر

نزيدو نڨزمو شوية معدنوس (بقدونس) و نحطو فوقو مبشور الجبن والا معندكش معليهمش مش لازم و تاكلو بصحة و لهنا