هنجيب اللحمه و نقطعها حتت صغيره و تديها سلقه بسيطه ف مايه و بصله صغيره و فلفل اسود و لما تحسي انها استوت شليها من الشوربه و ف طاسه ع النار معلقه السمنه او الزيت و نشوح اللحمه فيه لحد ما تاخد لون و نكون مقطعين الطماطم بس مش عايزين المايه و البزر بتوع الطماطم و كمان نقطع الفلفل

و ننزل بيها ع اللحمه و نقلبها كويس و بعدها نحط التوابل ع اللحمه و نقلب و نغطيها لحد ما التوابل تدبل

و طاسه تانيه نحضر البشاميل و نحط معلقه السمنه تسيح و نحط عليها الدقيق و نخلطهم كويس ف بعض و بعدها ننزل بكوب لبن براحه عليها و كل دا ع نار هاديه و نحط الملح و الفلفل السواد و تفضل نقلب لحد ما نلقي البشاميل تقل و نطفي عليه

لعمل الساندوتش هنحتاج كريب هتلقوا وصفه الكريب موجوده ع الصفحه بالتفصيل هناخد الكريب و نحط فيه شويه من البشاميل و عليه موزريلا و نحط اللحمه و نلفه و ف اصغر صنيه ندهنها زيت و نحط الساندوتش اللي عملنه لحد ما نخلص الكميه و بعدها نحط ع الساندوتش برا بشاميل بردو و جبنه موزريلا بالشكل اللي تحت دا 👇🏻و نسبها ف الفرن تحت الشوايه لحد ما الموزريلا تسيح و تاخد لون حلو و تقدم سخنه و بألف هنا عليكم جربوها و منتظره رأيكم🌸