نضر بالبيض تاعي ونضيفله المكونات لاخرى مع الخلط المستمر ونشيح بالفرينة حتى نتحصل على عجينة طرية فقط لازم توضع في الثلاجة لانها ريحا تطلق الزيت تاعها كي تتعرض للحرارة ويجي صابلي تاعنا يابس نحلها ونصبعها دوائر ونطيبها بالفرن على ورق الزبدة لانو فيها نشاء ريحا تلصقلي

بعدما طيب نوجد خليط كمية من كاوكاو وعسل وشامية ونيسلي ونلصق بيه حبة مع ختها ونخطي الحواشي بالكاوكاو ونضع موتيف العمرة لي كنا شكلناهم بالشوكولاتة نشاء الله يوصلنا ربي ونزورو قبر سيدنا محمد صلى الله عليه وسلم ونرواو من ماء زمزم 🙌🙌