نضع كل مقادير العجينة في ريسبيو نحط النواشف دون الملح لانو الملح ميتلاقاش مع الخميرة نخلط ونكمل نحط بقية المكونات ونطمها بالماء دافئ نجريها شوية تكون اكثر من عجينة المطلوع بقليل وندلكها حوالي دقيقة ونغطيها ببابي اليمونتاغ

بعدها في ريسبيو اخر نحط ماء ساخن ونحط فوقها الريسبيو لي فيه العجينة باه تخمرلي بخف الطريقة موضحة في الصورة ولازم الريسبيو لي من فوق ميقيست الما جيست البخار فقط باه متقرزنش العحينة

بعدما تختمر ويضاعف الحجم تاعها نقصرلها التخمار ونرشلها كمية هائلة من الفرينة (طحين) لانها ريحا تلصق في اليد ونحطها على طاولة العمل بشكل طولي ونقسمها ونكورها بالاستعانة بالفرينة طبعاً ونحطها في بلاطو بعدما نكونو دهناه بشوية زيت ونمسحها بالبيض وشوية قهوة باه تمدلي اللون البرونزي ونرش عليها السان ج ونخليها تختمر وبعدها نطيبها