نحضر وعاء غويط للعجن ونضع فيه المواد الجافه كلها الدقيق والسكر والملح والبيكنج بودرة والخميره والسمسم

ثم نضع الزبادي والسمنه ونعجن الاول وبعدين نزود اللبن الدافي بتدريج لغايه العجينه ما تستجيب وتلم من طبق العجن وتسيب الطبق ثم نضع مره اخرى نقطه صغيرة جداً من اللبن ونعجنها مره اخرى ونستمر في عجنها لمده عشر دقائق

ونغطيها بكيس مدهون زيت خفيف وفوقه فوطه ونحطها في مكان دافي حتى تختمر

بعد الخمر حانقطعها قطع صغيرة ونرصها في صينيه مرشوشه دقيق خفيف لغايه مانقطع الكميه كلها ونسبها ترتاح حوالي نصف ساعة

نأخذ قطعه ونفردها على الرخامه برشه دقيق خفيف من تحت العجينه بواسطه الناشبه ونضعها في صينية كبيره مرشوشه دقيق وفردها يكون وسط لاطخينه اوي ولا رقيقه اوي

ونفرد الكميه كلها ونرصها جمب بعض على الصينيه ولو الصينيه ماقدتش نضع ورق زبده فوق الباكين المفروده ونرشها خفيف من الدقيق ونرص عليها باقي البكاكين

لغايه ماتخلص الكميه ونسبها ترتاح ونغطيها بفوطه لمده ساعتين اهم حاجه ان في كل مرحله العجين يرتاح عشان ينجح معاكي ويدي نتيجه هايله وتبقي ناجحه ونسخن الفرن جامد وبعدين نادي الحراره شويه ويستحسن يكون الفرن نار من تحت ومن فوق مع بعض

ونهدي النار من فوق وسط من تحت ونرصهم في صينيه وندخلهم الفرن ونفتح عليهم بعدها بدقائق بسيطه عشان نشوف النتيجه واما يحمروا من فوق وتحت نطلعهم وباالف هنا وشفا