لتحضير العجينة نمزج المرغرين مع سكر كلاصي والافاني و عطر الليمون ورشة الملح و3 صفار بيض وبيضة جيداً ثم نضيف النشاء ونواصل الخلط حتى نتحصل على خليط كريمي نضيف نواة كوكو (جوز الهند) ونخلط ثم الفرينة (طحين) وخميرة الحلويات حتى نتحصل على عجينة طرية (ملاحظة المكونات الجافة لازم تتغربل جيداً)

نبسط العجين ونشكلو حسب الرغبة ثم نطيبو في الفرن مسخن من قبل كي يطيبو تخليهم يبردو ثم تلصقي كل حبتين مع بعض بالناباج او مربى المشمش مخفف بالقليل من ماء الزهر

للقلاصاج نخلط عطر الليمون مع الحليب والملون ثم نضيف السكر القلاصي بالتدريج حتى تتحصلي على قلاصاج ثقيل تضيفي زيت وتخلطي مليح ثم تغطيه ببلاستيك غذائي وتخليه يرتاح10 دقيقة

تقلاصي الحبات بالقلاصاج وللتزيين اختياري هنا درت حبيبات ملونة كأبسط ديكور او خطوط من نفس القلاصاج بعد ما ينشفو الحبات