بقلاوة بالكاوكاو 😍
بقلاوة ساهلة جداا
إفتح في تطبيق كوكبادالخطوات
- 1
نضع الفرينة (طحين) في إناء و قرصة ملح و نضيفو ليدام و نبسو العجينة مليح.من بعد نضيفو البيضة و نلمو بالما زهر حتى تتشكل عجينة
- 2
نقسمو العجينة على 12 كرية صغيرة و نخليوها ترتاح ملييح اقل شي ساعة
- 3
من جهة نوجدو الحشو. كاوكاو (فول سوداني) مرحي متوسط بعد متكونو سخنتوه شوي في الفرن و نزيدولو السكر و القرفة ونبلوه بالما زهر. منديروش بزاف ماء الزهر حتى يولي عجينة. لابشوي برق قيس ميتبل و يجي كيما اي مثل البركوكس
- 4
كي ترتاح العجينة نحلو 6 اللولين كلا وحدا وحدها شويا برك منحلوهاش بزاف من و نديرو مبين طبقة و طبقة النشاء من بعد نحطوهم في 6 فوق بعضاهم و نحلوهم قيس لبلاطو و نفرشوه في بلاطو مدهون
- 5
من بعد نحطو الحشو كامل فوق لعجينة و نعدلوه كامل يجي قدقد.و نعملو مع 6 كويرات لي بقاو نفس العمل تاع اللولين
- 6
ونفرشوه فوق الحشو و نقسمو الحبات تاعنا بالمسطرة باش يجيو قدقد.و نديرو في نص كل حبة كاوكاو (فول سوداني) او لوز ونسقيوها من فوق بالسمن مليح حتى تتشرب
- 7
ونحطوها طيب بالفرن على نار متوسطة 170 درجة من تحت و كي تشوفيها حمارت مليح شعلي الفوق
- 8
كي تخرجيها صبي فوقها العسل كامل و خليها تتشرب ملييح.والله تجي بنيينة تهببل جربوها و خليولي تعليقاتكم 😍😍
- 9
ملاحظة قيس البلاطو 20/20 سم
كلمات ذات صلة
وصفات مشابهة
وصفات ننصحك بمشاهدتها
التعليقات (5)