بالبداية نغسل ورق العنب جيداً ونتخلص من الاوراق الذابلة

في طنجرة على النار نضع كمية من الماء ونتركها تغلي ، نضيف ورق العنب على دفعات ولما يتغير لونه ويطرى شوي نشيله لحتى نخلص كل الكمية نحطهم بمصفاية ونتركهم ليبردو

بنقع الرز في ماء مغليه شي نص ساعة ، وبها لاثناء بقطع بندورة ناعم وبصل وثومة وبضيف لهم البقدونس وبعد مرور نص ساعة بصفي الرز كويس من الماء وبضيفه لهم ثم بضيف الملح والكمون والفلفل الاسود والكزبرة والثوم والبصل الباودر ثم نضيف نصف مقدار زيت الزيتون ونخلطهم مع بعض ليتجانسو

نبدأ بفرد اوراق العنب ونحشيها ونلفها ثم نرصها بطنجرة رصيت بقعرها بطاطا ثم الجزر وعروق ورق العنب كثير زاكية وبتعطي حموضه

بعد ما رصيت كل الكمية ، بصحن بذوب معجون الطماطم بميه حارة وبضيف له بقية الزيت والليمون والماجي ورشة فلفل اسود ثم بصبها على ورق العنب وبغطي وجه ورق العنب بصحن او ثقل لحتى ما تفرط الحبات ومستوى الماء بكون اكثر من حبات الورق بشي قياس نص اصبع