في كاسرونة نحط ماء يغلي مع ملعقة زيت وملح

كي يغلي نفرع المعكرونة ونخليها تغلي

نحضر البيشاميل: في كاسرونة نحط الزبدة ولفرينة والحليب نحرك جيداً ونحطها على النار ونبقي نحرك حتى يثقال الخليط

كي يثقال نحيه ونزيد لملح. فلفل اسود.جوزة الطيب ونحرك

نضيف جبن مبشور

نرجع للمعكرونة تاعي بعد منقطرها من لماء

نديرها في وعاء نفرغ عليها نصف كمية البيشاميل

نديرها في مول ونفرغ لكمية لقعدتلي من البيشاميل

بعد موضعتها فلمول نحط عليها قطع من جبن شيدار

ونحطها فلفرن

بعد مدة نجبدها نلقا لجبن ذاب شوي

نخليها تبرد ونقطعها

وبالصحة والراحة