نغسل لكبدة ونقطعها مربعات

نقليها في مقلاة مع اربع ملاعق زيت

بعد منقليوها مليح نبدأ نضيف التوابل فلفل اسود وعكري ثوم ونخليه يتقلى مدة خمس دقائق ونضيف كاس ماء وطماطم مكعبات والمصبرة

ونخليها حتى تنشف نقطع الدبشة ونديرها من لفوق

ونطفي عليها

بعد موجدنا لكبدة نروحو نخدمو لبيري نغلي بطاطا مع فص ثوم وملح كي تطيب اي تستوي نصفيها ونرحيها بلميكسور

نضيفلها حبات فرماج (جبنة) او زبدة وحليب ونخلط

هنا تكون واجدة

ندير لبطاطا في صحن ونحط عليها لكبدة

بنة ولا اروع

ملاحظة انا استعملت كبدة الدجاج تقدري تستعملي كبدة لغنمي او لبقري