نسخن طاسه كويس ونحط فيها اللحم المفروم طبعاً بيبقى فيه نسبه دهن فبتسيح واول ما يتعصج كويس هنضيف البصل ورشه ملح ورشه فلفل ونقلب يذبل البصل نضيف الفلفل والثوم والطماطم وبهارات كزبرة ناشفه بابريكا زنجبيل ونقلب كويس نزود حبه ماء ونسيبه يغلي او ما ينشف نضيف الزيتون ونقلب ونطفي

ندهن صينيه بالسمنه نذوب 2 ملعقة السمنه في شويه حليب ونبدأ نرص الطبقات وندهن من الخليط ده ست طبقات تحت وبعدين نحط المفروم ونرص تاني الطبقات 6 التانيين وطبعا كل طبقه ندهن بخليط الحليب والسمن

نقطع الجلاش مربعات وناخد باقي الحليب بالسمن نزود عليه حليب لحد ما يبقى كوب ونضيفله البيضه وملح وفلفل ونقلب كويس نصب الحليب على الجلاش ونسيبه يتشرب لحد ما الفرن يسخن ويوضع في فرن 180 نص ساعة حتى يتحمر الوجه اول ما يطلع يغطى بفوطه نظيفه ويقدم

ملحوظه طبعاً لو حبيتي تزودي الطبقات دي حاجه ترجعلك بس انا بحبه ميكنش تخين اوي وبالهنا والشفا