نخضر العجينة و نبسطها في قوالب الخاصة بالتارت و نطيبها مليح حتى تعطينا اللون الذهبي حوالي 15 دقيقة ثم نشعلها الفرن من الاعلى باش تدي تحميرة خفيفة من الفوق

الكريمة : من جهة نحط في كسرونة الحليب فوق النار يسخن شوية و من جهة في إناء نحط البيض و السكر و المايزينة و نخلطهم مليح بالفوي و نبدأ نسكب عليهم الحليب تدريجيا مع الخلط الجيد ثم نرجع كل ما خلطناه الى الكسرونة و نحطها فوق نار قليلة و نخلط جيداً حتى تعقد الكريمة و نضيفلها مغرف كبيرة تع زبدة و نحيها من الكسرونة و نحطها في إناء و نغطيها بالورق الشفاف و نخليها تبرد تماما و ندخلها للثلاجة حتى وقت وضعها في القوالب

بعد ما تبرد الكريمة نحطها في بوش لعمل نقي و نعمر بيها القوالب و نزينها بالفواكه حسب المقدور و ندير عليها لاجولي باش تحافظ الفواكه على لونها

خطوة اختيارية انا هنا قسمت الكريمة على 2 و درت الاولى ليكستري (معطر) بذوق الفراولة و الثاني بذوق البنان تعطي بنة و ريحة جيدة حتى لاجولي لي درتو من فوق الفراولة درتلو معطر الفراولة باش يعطي ذوق و لون كما تشاهدون في الصورة