نخلط المواد السائلة ثم نضيف الخميرة و السكر و الملح و نضيف الفرينة (طحين) نتحصل على عجينة طرية جداً و سائلة قليلا و هذا هو سر نجاحها و هنا حسب الفرينة (طحين) كاين فرينة (طحين او دقيق) تشرب و كاين لالا اذاشفتي العجينة سائلة بزاف و ماتقدريش ترفدينها زيديلها 100 غ فرينة (طحين او دقيق) لازم تبقى طرية بزاف و تقدري ترفديها و تخليها تختمر حتى يتضاعف حجمها

بعدما تختمر نشكلها كيما نحب و نبسطها باليد بدون حلال لانها طرية بزاف و ماتحتاج لحلال انا درت هاد الشكل تاع بيتزا هت و كنت درت هدوك الكريات و حشيتهم بالفرماج و الدجاج و كنت درت صفار بيض من طرف الخبزة باش حطيت الكريات باش يلسقو فيها و بعد ما حشيتهم و حطيتهم درتلهم صفار البيض و شوية سانوج كخطوة اختيارية

طيبتها بالفرن على نار قوية لان سر البيتزا في الحرارة القوية باش تتنفخ مليح و لكن نتسوها مليح باش ماتتحرقش غير يحمار الوجه السفلي نشعلها الفوق و نخيلها تدي تحميرة خفيفة و نحيها و شهية طيبة