نحضر أولا الشربات حتى تبرد: نأخذ كسرولة نضع فيها السكر الماء و نصف ليمونة على النار حتى الغليان ننقص فالنار هادئة و نتركها مدة 10 دقائق ثم نطفي عليها نضيفلها ملعقة كبيرة ماء الزهر و نتركها تبرد.

في صحن غامق نخفق البيض مع السكر و برش ليمونة و شوية ملح حتى يبياض الخليط نضيف كأس الزيت بالتدريج ثم نضيف السميد الخشن بالتدريج مع خميرة الحلوى وعصرة من الليمون السميد على حسب البيض وكاين سميد يشرب.

ندهن المول الى يدخل للفرن بالزيت و شوية سميد، نفرغ الخليط في المول و نسويه ندخلو للفرن يكون ساخن من قبل حتى تحمر شوي نخرجها

نشربها وهي سخونة والشربات باردة جيداً حتى تتشرب مليح و نرجعها للفرن طافي من الأحسن نطيبها الصباح و نستهلكها في المساء حتى تشرب مليح.

بالصحة و الهناء