الخبز الرقاق (نعجن ٣ كوب من طحين البر بماء فاتر ونترك العجينه ١/٤ او ١/٢ ساعه تتماسك ، العجينه ماتكون رخوه كثير تقريباً زي عجينة الكيك بس ارخى شويه عشان نقدر نحركها بسلاسة عالصاج ، تقدرين تشترينه جاهز من السوبر ماركت اذا تحبين.

بعد ماتجهز العجينه نعمل منها شرايح على الصاج ولازم ايدك تكون سريعه وانتي تفردينها عشان ماتحس ايدك بحرارة الصاج ونحاول نخلي الشرايح تحمر صح وهذا اول سر للذتها.

نسوي تقريباً ١٥ شريحة ونقطع كل شريحة اربع قطع ونضعها بحافظة مرتبه على بعض ومتسايه بحيث ماتكون جهة اعلى من الثانية ، نملى ثلاثة ارباع الحافظة تقريباً (بما ان الأكله تراثيه بمدينتي نستعمل وعاء حجري تراثي ويكون الطعم به ألذ جددداً)

التشريبة اللذيذة : نقطع البصل والثوم قطع صغيره ونحمرها بقليل من الزيت (اي نوع)

نفرم الطماطم والفلفل ونصعها على البصل والثوم ونضيف لها البهارات والصلصة ونخليها تتسبك لحد ماتنشف مويتها.

نضع اللحم او الدجاج ونشوحه شوي مع الكشنه ثم نضيف الماء ثلاثة ارباع القدر (القدر متوسط الحجم) ونخليه يطبخ على نار متوسطه او نضغطه ١٠ دقايق بقدر الضغط وكل مره نتذوق المرقه ونشوف اذا ناقصها ملح او بهارت (طبعاً المرقه ماتكون مره ثقيله ولا مره خفيفه وسط يعني)

بعد ماتكون المرقه جاهزه عندنا نطلع اللحم ونجيب مغرفه وناخذ كمية من المرق وهو يغلي ونرشه على الخبز الرقاق (الرقش) لحد ما نحس ان جميع القطع تشربت المرق ونضيف عليه مغرفتين زياده لأنه راح ينشف بفعل امتصاص الخبز للمرق خلاص خلصنا من رش المرق نضع اللحم او الدجاج عليها ونضع اعلاه بطاطس مقلي + بيض مقلي + جزرمقلي + فلفل مقلي.

بالأخير نترك الطبق عشر دقايق عشان نتأكد ان الخبز (الرقش) تشرب المرقه ونقدمه حار وليس بارد ، و معه ستين الف عافيه.